بیر قوجاق گول باغلادیم گوز یولدا گالدیم گلمدین

عطریوی گاه دردیگیـــــــــم گولردن آلدیم گلمدین

 

سن یوباندون انتظاردان سولـــدی بیر بیر گولریم

تز سولان گوللر کیــمی  سولدوم سارالدیم گلمدین

 

باغریما باسدیم سازی سنسیز دونن آخشام چاغی

آغلییب بیر آیریلیق آهنگــــــــــــی چالدیم گلمدون

 

 

نوشته شده در برچسب:, توسط Mohammad Ğhaffari |


 

دوشوندوم کــی هر زامان ، گؤزوم سنه باخاجاق
هئچ بیلمزدیـــم بیر زامان ، گؤزوم یاشی آخاجاق


سن آغلاما ای گــــؤزوم ، اولان اونسوز اولاجاق
سنه قالان گؤزله مــک ، بیرده گؤز یاش قالاجاق

 

 

 

نوشته شده در برچسب:, توسط Mohammad Ğhaffari |



گوزلرین آچ بیر گئجه تا من گوروم میخانـــــه نی
دونیانی ترک ایلییپ من دولدوروم پیمانـــــــــه نی

بی وفا اولسا نیگاری بیر کسین بیچــــــــــــاره دیر
بولبولون حالین دوشونمز گول، دئمه افسانـــــه نی

اوت توتار عشقین یولوندا جان ورر بیچـــاره شمع
اما عاشیق سویلیرهر کیم گوره پروانــــــــــــــه نی


قانلــــــــی کونلوم گوزلییر یول تا سنه قوربان اولا
گل بو هیجراندان خــــــــراب ائتمه داها کاشانه نی

هر کونول الدن وره یارین او بیر ویرانـــــــــه دیر
بـیــــــــــــر نظریار ائلسه آباد ائدر ویرانـــــــــه نی


گر منـــــــــی چکسن دارا اولدورسن الدن توتمارام
اولـــدور نـــده اوپ محبـتـدن دل دیوانــــه نـــــــــی

عاشیقه بیر گون دئدیم تـــرک ائله او یاری ، دئدی
بیلمیسن عشق آتشی له یاندیریپ غمخـــــــــانه نی؟

هامینی تـــــــرک ائلرم هر کیمســـه واردیر دونیادا
اما من تــــــــرک ائدمرم او ســـــــاقی دوردانه نی

سنده گل تـــــــــرک ائله مسجید تا گئدخ میخانه یه
توبه ائد ، سن محـــــرم اول اوپ دیلبر جانانه نی

سونرا گل با هم "وفا" جــاندان اولاخ قوربان اونا
آغلایاخ شاید اشیدسین گـــــــریه ی مستانـــــه نی


نوشته شده در برچسب:, توسط Mohammad Ğhaffari |


اسلایدر